Robin Sackmann 博士

創辦人及總監

Robin Sackmann 博士 係 DSLC 嘅創辦人同總監。佢喺 Einbeck (德國北部漢諾威市附近) 出生同長大,並先後於柏林同上海修讀語言學、中國研究同埋電腦,之後亦喺柏林自由大學 (Freie Universität) 工作多年,最終喺 2005 年來港。另外,佢由2012至2018年間亦係香港大學嘅語言學名譽助理教授。閒暇時佢非常喜歡喺香港行山、露營,同埋喺歐亞兩大洲旅遊。其他興趣包括閱讀天文同物理學書籍,爵士同埋古典音樂。

Margarita Liebrecht

老師

Margarita Liebrecht 喺俄羅斯嘅Nekrasovo出世,父母都係德國人。佢喺西德嘅Osnabrück長大,自細已經習慣用兩種語言。亦因為自小已經非常鍾意學習外語,所以佢可以講德、英、西,法、俄五種語言,並且喺University of Osnabrück完成外語教育嘅碩士課程。佢喺2019年嚟咗香港;喺2022年加入DSLC之前一直教授德文仲成為校內嘅首席教師。除咗熱愛語言學,佢對教學亦都全情投入,對唔同年齡層嘅學生都有好多教學經驗。得閒嘅時候佢鍾意溜冰、喺香港嘅山間進行越野跑同埋玩樂器。

Dominic Meißner

老師

Dominic Meißner 出生喺德國紐倫堡(Nuremberg)。因父母分別係德國同希臘人,所以自小就接觸多元文化。佢喺 University of Erlangen-Nuremberg出任導師,同時修讀國際管理同法律,並且喺2008年取得碩士學位。佢自2010年喺深圳開始發展事業,並且一直喺中國唔同地方生活同工作,直到2019年加入DSLC為止。喺教授德文之前,Dominic從事跨文化管理同埋品質管理嘅專業培訓工作。閒暇時,佢喜歡跩單車同欣賞古典音樂。

Axel Schunk

老師

Axel Schunk 喺Chemnitz (德國薩克森西南部) 出生,並先後喺德國Aachen、瑞典Uppsala同埋奧地利維也納讀書。佢曾經喺維也納任職中學教師,亦為不同嘅非政府組織舉辦研討會。Axel喺2018年來港,亦由2019年起喺本校任教。佢對環境嘅可持續發展非常感興趣,亦喺無數個歐、亞兩地嘅相關項目裡面工作。Axel喜愛運動、遠足、旅遊同埋一切同大自然接觸嘅戶外活動。

Martin Li

老師

Martin Li 喺柏林出生,Gummersbach (一個位於德國西部科隆附近嘅小鎮) 長大, 並喺 University of Trier (德國西南部) 讀書。佢喺 2015 年來港並開始喺本校任教 。佢對亞洲文化非常感興趣,亦好享受香港大都市多姿多彩嘅生活。另外,佢非常鍾意戶外活動好似公路單車,行山同埋攝影。

Stephan Ortmann 博士

老師

Stephan Ortmann 博士雖然出生喺 Marburg,但童年大部分時間都喺德國西南部小鎮 Roigheim 成長。佢曾經喺 University of Tübingen 同 University of Erlangen-Nuremberg 讀書,之後因為喜愛亞洲社會文化喺2011年來港,並喺2020年 成為DSLC嘅老師。除咗教授德文,佢亦都喺德國同香港嘅各家大學教授亞洲文化研究同政治學。學過包括廣東話在內五種語言嘅佢非常喜歡香港嘅山嶺,並差唔多行晒每一個山頭。

Jan-Patrik Reimann

老師

Jan-Patrik Reimann 出生喺大學城 Tübingen (德國西南部) 附近,並喺一個家庭成員都係老師嘅環境中長大。佢曾經喺北京、英國嘅格拉斯高同埋牛津讀書。佢 喺 2013 年來港並且由 2017 年起喺本校任教。 除了喺 DSLC 工作外,過去四年佢一直同本地嘅社企合作,為中學生舉辦領袖訓練同埋文化工作坊。連同廣東話佢懂得五種語言,並且非常鍾意攀山同埋水上活動。另外佢亦非常鍾意踢足球同埋彈鋼琴。

Katalin Szarvas 博士

老師

Katalin Szarvas 博士喺匈牙利出生,而童年時亦曾經喺德國生活。喺讀完德國研究嘅碩士課程後,佢喺德國嘅University of Siegen完成語言學博士學位。之後,Katalin喺德國教授德文 (作為外語) 多年,亦喺上海擔任德文講師長達4年。佢喺2017年來港,亦由2019年起喺本校任教。 Katalin對外國文化,特別係亞洲人民生活非常感興趣,亦十分喜歡旅遊同埋攝影。