學費

所有課程,包括 常規德文班 (9 星期,每週 3 小時), 捷徑班 (4 星期,每週 6 小時), 青少年班或者 暑期速成班 (3 星期,每週 9 小時) 嘅學費都係港幣 2100 圓。保證以最實惠收費提供全港最優質嘅德文課程。

以電郵報名

只係需要兩個簡單步驟,就可以輕鬆報名:
  1. 課程表 中點擊綠色 立即報名 按鈕。或者 電郵administration@dslc.com.hk ,兼提供姓名,手提電話號碼以及你想報讀嘅班別。如果你未夠 18 歲,請話畀我哋知你嘅年齡。
  2. 收到報名後我哋會發電郵畀你詳列進一步資料。請你透過銀行櫃員機或者網上銀行為學費交小量訂金 (一般係港幣 300 圓) 。(請注意,根據香港教育 規例,訂金唔可以早多於課程開始前一個月付。)
重要提示: 如果你係用 hotmail 但係收唔到我們嘅電郵,請睇睇垃圾郵件嘅信箱,並且將我哋加入白名單內。

以電話或者親身嚟學校報名

請打電話到 2779 6966或者喺辦公時間內親身嚟學校報名(星期二到星期六下午兩點到七點)。 注意:11月19號辦公室將因學校内部活動而關閉。

公平同富彈性收費

你只需要為你真正出席嘅課堂繳交學費。

轉介優惠

如你已經報讀而又成功推薦你嘅朋友報讀我哋嘅任何課程,你將可以獲得港幣200 圓嘅學費減免優惠。

簡便繳費

繳交學費嘅話,你可以喺學校辦事處用支票或者現金,利用櫃員機,又或者喺屋企透過網上銀行進行。唔需要預繳或者喺校務處大排長龍。

退款保證

如你對課程不滿,可以要求退番學費,絕唔會過問原因。